Shanwari Karhai: Kya Aap Ne Ye Recipe Try Ki?

Shanwari Karahi Recipe | Asli Peshawari Zaika

Tayari ka Waqt: 10 mins
Pakane ka Waqt: 40 mins
Total Waqt: 50 mins
Servings: 4 log

Ingredients (Ajzaa):

• 1 kg gosht (bakray ka ya lamb)
• 1 cup dahi
• 1 tablespoon adrak lehsan ka paste
• Salt (hasb-e-zaaiqa)
• 1 tablespoon kali mirch (kooti hui)
• 2-3 hari mirchein (bari kati hui)
• 1 cup tail ya charbi
• Adrak (julienne cut) garnish ke liye

Tayari ka Tareeqa:

1. Ek karahi mein tail ya charbi garam karein.
2. Usmein gosht daal kar high flame par bhun lein jab tak rang badal jaye.
3. Adrak lehsan ka paste aur namak daal kar 5 minute bhun lein.
4. Ab dahi daal kar ache tarah mix karein aur dhak kar 30 minutes ke liye dam par rakh dein (medium flame).
5. Gosht naram hone par hari mirchein aur kooti kali mirch daal kar 5 minutes aur pakayein.
6. Adrak se garnish karein aur garam naan ya roti ke sath serve karein.

Tips:

• Agar asli Peshawari touch chahte hain to tail ke bajaye charbi istemal karein.
• Zyada masale na daalein, kyunke Shanwari Karahi ki khasiyat hi iski simple taste hai.

ZaikaGhar Ki Rai:

Ye recipe un logon ke liye hai jo asli aur desi taste pasand karte hain. Ghar par asaani se ban jati hai aur mehmaan bhi khush ho jaate hain.

Agar apko hamari shanwari karhai pasand aai to ya bhi zaroor try karayn hamara: speacial chicken badami qorma